Ўзбекистон Республикаси Транспорт прокурори Маъруфхон Ходжаев Хоразм вилоятида бўлди.

Ўзбекистон Республикаси Транспорт прокурори Маъруфхон Ходжаев Хоразм вилоятига амалга оширган хизмат сафари давомида Хоразм вилояти автомобиль йўллари ҳудудий бош бошқармаси биносида амалга оширилган қурилиш-таъмирлаш ишлари билан танишди.

Ушбу бино Урганч туманида жойлашган бўлиб, унда қурилиш-таъмирлаш ишлари жорий йилнинг апрель-октябрь ойларида амалга оширилди.

Эндиликда, қурилиш-таъмирлаш ишлари якунланиб, ишчи-ходимлар замонавий ва қулай шарт-шароитларда фаолият олиб боришади.

Транспорт прокурори томонидан анъана сифатида манзарали кўчат дарахти экилди.

Бош бошқармага қарашли корхона ва ташкилотлар ишчи-хизматчиларига дастурхон ёзилиб, ижтимоий ҳимояга муҳтож ва жонкуяр ишчи-ходимларга совғалар берилди.