Урганч давлат университети ал-Хоразмий халқаро конференциясига мезбонлик қилмоқда.
Урганч давлат университетида 2022 йил 25-28 июль кунлари ўтказилиши режалаштирилган замонавий математиканинг долзарб муаммоларига бағишланган биринчи ал-Хоразмий халқаро конференцияси дунё тан олган математик ватандошимиз академик Азимбой Саъдуллаев таваллудининг 75 йиллигига бағишланди.
Унда хорижий олий таълим муассасалари илмий марказларидан ташриф буюрган олимлар, республикамизнинг таниқли математик олимлари бевосита иштирок этмоқда.Олий ва ўрта махсус таълим вазирлиги ахборот хизматига кўра, анжуман Хоразм заминида математиканинг ал-Хоразмий илмий марказини ташкил этиш ва ушбу заминни илмий марказлардан бирига айлантириш, қолаверса, юртимизда математиканинг комплекс анализ, алгебра ва геометрия, динамик системалар ва потенциаллар назарияси, татбиқий математика ва компьютер илмлари соҳаларини ривожлантириш мақсадида ўтказилмоқда.
Шу билан бирга ёшларни математика фанига бўлган қизиқишларини янада кучайтириш, илм-фанни ривожлантиришга қаратилган ислоҳотлар давомийлигини таъминлаш, математика соҳаларидаги сўнгги янгиликлар билан танишиш, ёш олим ва талабаларни илмий-тадқиқот билан шуғулланишларига мотивация беради.
Анжуманнинг очилишида Олий ва ўрта махсус таълим вазири Абдуқодир Тошқулов онлайн иштирок этиб, Республикамиздаги математика институтлари ҳақида гапирар экан, мазкур конференция айнан Хоразм диёрида ўтказилаётганига тўхталди ва буюк аждодимиз ал-Хоразмий мероси, фаолиятини давом эттириш лозимлигини билдирди. Урганч давлат университетининг бугунги кундаги фаолияти ҳақида сўз юритиб, Хоразмда ўзига хос математика мактабини ярата олган олим, узоқ йиллик меҳнатлари мобайнида университетнинг ривожи учун муносиб ҳисса қўшган академик Азимбой Саъдуллаевнинг 75 йиллик юбилейи билан муборакбод этди.
Уч кун давом этадиган конференция иши ўзининг ялпи мажлисларини, илмий-оммабоп маърузаларни 5 та шўбада давом эттиради. “Функциялар назарияси ва плурипотенциал назария”, “Алгебра ва геометрия”, “Динамик системалар”, “Математик физика ва хусусий дифференциал тенгламалар”, “Татбиқий математика ва компьютер илмлари” номли муҳокамалар барча иштирокчилар учун қизиқарли бўлиши шубҳасиз.
Алоҳида таъкидлаш жоизки, айни дамда анжуманда иштирок этаётган Калифорния университети академиги, дунёга машҳур аёл математик олима Светлана Житомирская университетда бир ҳафта давомида Америкалик ва Ўзбекистонлик докторантлар ва талабаларга маъруза ўқиши режалаштирилган.
Н.Усмонова, ЎзА
Унда хорижий олий таълим муассасалари илмий марказларидан ташриф буюрган олимлар, республикамизнинг таниқли математик олимлари бевосита иштирок этмоқда.Олий ва ўрта махсус таълим вазирлиги ахборот хизматига кўра, анжуман Хоразм заминида математиканинг ал-Хоразмий илмий марказини ташкил этиш ва ушбу заминни илмий марказлардан бирига айлантириш, қолаверса, юртимизда математиканинг комплекс анализ, алгебра ва геометрия, динамик системалар ва потенциаллар назарияси, татбиқий математика ва компьютер илмлари соҳаларини ривожлантириш мақсадида ўтказилмоқда. Шу билан бирга ёшларни математика фанига бўлган қизиқишларини янада кучайтириш, илм-фанни ривожлантиришга қаратилган ислоҳотлар давомийлигини таъминлаш, математика соҳаларидаги сўнгги янгиликлар билан танишиш, ёш олим ва талабаларни илмий-тадқиқот билан шуғулланишларига мотивация беради.
Анжуманнинг очилишида Олий ва ўрта махсус таълим вазири Абдуқодир Тошқулов онлайн иштирок этиб, Республикамиздаги математика институтлари ҳақида гапирар экан, мазкур конференция айнан Хоразм диёрида ўтказилаётганига тўхталди ва буюк аждодимиз ал-Хоразмий мероси, фаолиятини давом эттириш лозимлигини билдирди. Урганч давлат университетининг бугунги кундаги фаолияти ҳақида сўз юритиб, Хоразмда ўзига хос математика мактабини ярата олган олим, узоқ йиллик меҳнатлари мобайнида университетнинг ривожи учун муносиб ҳисса қўшган академик Азимбой Саъдуллаевнинг 75 йиллик юбилейи билан муборакбод этди.
Уч кун давом этадиган конференция иши ўзининг ялпи мажлисларини, илмий-оммабоп маърузаларни 5 та шўбада давом эттиради. “Функциялар назарияси ва плурипотенциал назария”, “Алгебра ва геометрия”, “Динамик системалар”, “Математик физика ва хусусий дифференциал тенгламалар”, “Татбиқий математика ва компьютер илмлари” номли муҳокамалар барча иштирокчилар учун қизиқарли бўлиши шубҳасиз.
Алоҳида таъкидлаш жоизки, айни дамда анжуманда иштирок этаётган Калифорния университети академиги, дунёга машҳур аёл математик олима Светлана Житомирская университетда бир ҳафта давомида Америкалик ва Ўзбекистонлик докторантлар ва талабаларга маъруза ўқиши режалаштирилган.
Н.Усмонова, ЎзА
Изоҳлар (0)
Изоҳ қолдириш