Ҳазорасп туман пиллакорлари бу йил вилоятимизда биринчилардан бўлиб, пилла топшириш мавсумини бошлаб берди.

​Хусусан, “Ҳазорасп Агро пилла" МЧЖ  пилла қабул қилиш масканида моҳир пиллакорлар томонидан пилла топшириш жараёнининг илк кунида Ўзбекистон бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.Ғаниев, туман ҳокими Ў.Машарипов, секторлар ва тегишли мутасадди раҳбарлар, пиллакорлар иштирок этдилар.
Ўзбекистон бош вазирининг ўринбосари Ш.Ғаниев қимматбаҳо хомашёни етиштиришнинг машаққатлари, соҳага давлатимиз раҳбарияти томонидан қаратилаётган эътибор хусусида тўхталди.
Пиллакорларни қизғин қутлаб, меҳнати учун ташаккур билдирди.Мавсумда биринчи бўлиб, “кумуш тола” етиштириб топширган пиллакорлар совғалар билан тақдирландилар.
 Жорий йилда туманимизда касаначилар ҳамда фермерлар томонидан 3640  қути ипак қурти боқилиб,  208 тонна пилла ҳосили етиштириш режалаштирилган. 
Ҳазорасп тумани ҳокимлиги Матбуот хизмати.