Хива шаҳар ҳокимлиги инглиз тилидаги журнал обунаси учун 15 млн сўм сарфламоқда.

Хива шаҳар ҳокимининг тегишли фармойиши билан: Хоразм вилояти ҳокимининг 2021 йил 15 февралдаги 7-900-сонли хатида кўрсатилган топшириқлар ижросини таъминлаш мақсадида 4 та “Бизнес бошлаш учун 202 лойиҳа” китобини ҳамда 1 та комплект Smartposter тарғибот тўпламини сотиб олиш харажатлари учун 4 000 000 (тўрт миллион) сўм, “Khorezm Times” журналининг обуна харажатлари учун 15 000 000 (ўн беш миллион) сўм, Ўзбекистон Республикаси биринчи Президентининг марҳум И.А.Каримовнинг бюстини сотиб олиш харажатлари учун 6 500 000 (олти миллион беш юз минг) сўм жами 25 500 000 (йигирма беш миллион беш юз минг) сўм маблағ шаҳар ҳокимлиги ҳисоб рақамига ажратилди.