Хоразм вилоятида паррандаларни касалликка қарши эмлаш учун 250млн сўм маблағ ажратилди.

Халқ депутатлари Хоразм вилояти Кенгашининг 2021 йил 9 декабрдаги VI-38-56-12-K/21-сонли қарори ҳамда Ўзбекистон Республикаси Бюджети кодексининг 126-моддасига асосан:
1. Вилоятда эпизоотик барқарорликни таъминлаш мақсадида, паррандаларнинг “Грипп”, “Ўлат” ва бошқа юқумли касалликларга қарши эмлаш ҳамда паррандачилик хўжаликларида “Дезинфекция”, “Дезинсекция”, ва “Дератизация” тадбирларни ўтказиш учун  250 000 000 (икки юз эллик миллион) сўм Хоразм вилояти ветеринария ва чорвачиликни ривожлантириш бошқармасига  вилоят маҳаллий бюджетининг 2021 йил 3-чорак даромадлар режасининг ошириб бажарилган қисми ҳисобидан ажратилсин.
2. Вилоят молия бош бошқармаси (М. Искандаров) вилоят маҳаллий бюджетига тегишли ўзгартиришлар киритсин.
3. Вилоят ғазначилик бошқармаси (Б. Панаев) ажратилган маблағларни белгиланган тартибда ўтказилишини таъминласин.
4. Вилоят давлат молиявий-назорат бошқармаси (Ш. Юсупов) ажратилган маблағлардан мақсадли фойдаланилиши устидан назорат ўрнатсин.
5. Мазкур фармойишнинг ижросини назорат қилиш вилоят ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари-вилоят иқтисодий тараққиёт ва камбағалликни қисқартириш бош бошқармаси бошлиғи К.Игамбергенов зиммасига юклансин.
 

Вилоят ҳокими

Ф.Эрманов