Қўшкўпир туманидаги 19 та фермер ҳўжаликларнинг ижара шартномаси муддатидан олдин тугатилиши мумкин.

Халқ депутатлари Қўшкўпир тумани Кенгаши қайд қиладики, туманда қишлоқ хўжалигидаги мавжуд ресурслар ва имкониятлардан тўлиқ фойдаланиш, озиқ-овқат экинларини икки баробарга кўпайтириш, юкори ҳосил олиш, қишлоқ хўжалиги соҳасида янги иш ўринларини яратиш ва манфаатдорликни ошириш борасида замонавий ёндашувларни жорий этиш бўйича муайян ишлар амалга оширилди.
Бу йилги оғир вазиятда деҳқончилик қилиб, ўзига юклатилган мажбуриятларини тўлик бажарган фермер хўжаликлари, қишлоқ хўжалиги корхоналарининг катта саъй-ҳаракати ва меҳнати бор десак, ҳеч муболаға бўлмайди.
2021 йил ҳосили учун яхши ниятлар билан экилган қишлоқ хўжалиги экинларини бугунги кунда тўлиқ йиғиштириб олиш арафасидамиз, шунингдек, пахта, ғалла, пилла сотиш режалари ошиғи билан бажарилди.
Ҳудуддаги фермер хўжаликларининг бир қисми  ўзларига белгиланган экин турларини тўлиқ экмасдан, туман ҳокимининг экинларни жойлаштириш режаларига риоя қилмасдан, ҳаттоки, пахтани бузиб ўрнига шоли ва бошқа экинларни экиш ҳолатлари ҳам кузатилди.
Қўшкўпир туман ҳокимининг 12.03.2021 йилдаги 402қ-сонли қарорига асосан, етиштирилиши белгиланган пахта хомашёсини тумандаги 19 та (иловада кўрсатилган) фермер хўжаликлари тўлиқ бажармаганлиги сабабли, ушбу фермер хўжаликлари томонидан 745,0 тонна кам ҳосил топширилиб, шартнома мажбуриятлари тўлиқ бажарилмаган. Бунинг асосий сабабларидан бири, мавсумда пахтани парваришлашда агротехник тадбирларига тўлиқ риоя қилинмаганлигидир. Натижада пахта етиштириш учун ушбу фермер хўжаликлари томонидан олинган 1,137 млр сўм аванс маблағи қопланмасдан турибди. Шунингдек, меҳнат қонунчилига мувофиқ, қишлоқ хўжалиги маҳсулотларини етиштиришда талаб этиладиган ўртача меҳнат сарфи меъёрлари бўйича хўжаликка ажратилган ушбу ер майдонларига жами  1406 нафар ишчи олиниши лозим бўлсада, ўрганишлар натижасида хўжаликда 877 нафар ишчи борлиги аниқланди. Бундан ташқари, фермер хўжаликларининг солиқдан 1,673 млн сўм қарздорлиги мавжуд. Ушбу фермер хўжаликлари раҳбарлари томонидан туман ҳокимининг 12.03.2021 йилдаги 402қ-сонли қарори билан белгиланган экинларни тўлиқ экмасдан ўрнига бошқа экинлар экилганлиги аниқланди.
Юкорида келтирилганларни инобатга олган ҳолда ва Ўзбекистон Республикаси “Маҳаллий давлат ҳокимияти тўғрисида”ги Қонунининг 6, 24-моддаларига мувофиқ, халқ депутатлари Қўшкўпир тумани Кенгаши
ҚАРОР ҚИЛАДИ:

1.Қўшкўпир тумани ҳокимининг қишлоқ ва сув хўжалиги масалалари бўйича ўринбосари А.Жималязовнинг Қўшкўпир тумани ҳокимлиги ҳузуридаги ер участкаларини бериш масалаларини кўриб чиқувчи туман комиссиясининг "2021 йилги режани бажармаган фермер хўжаликларининг ер участкаларини ижарага бериш, шартномасини муддатидан олдин бекор қилиш масаласини кўриб чиқиш хулосасини тасдиқлаш тўғрисида"ги маърузаси маълумот учун қабул қилинсин.

2.Туманда 2021 йилги режани бажармаган фермер хўжаликларига (иловада кўрсатилган) йўл қўйилган камчиликларни бартараф қилиш учун 5 кун муддат берилсин.

3.Қўшкўпир тумани ҳокимлиги ҳузуридаги ер участкаларини бериш масалаларини кўриб чиқувчи туман комиссиясининг "2021 йилги режани белгиланган муҳлатда бажармаган фермер хўжаликларининг ер участкаларини ижарага бериш, шартномасини муддатидан олдин бекор қилиш масаласини кўриб чиқиш тўғрисида"ги хулосасига асосан, судга даъво аризаси киритишга розилик берилсин.

4.Ушбу Қарорнинг ижросини назорат қилиш халқ депутатлари Қўшкўпир туман Кенгашининг Аграр, сув хўжалиги масалалари ва экология бўйича доимий комиссияси (А.Эркинов)зиммасига юклатилсин.

№	Фермер хўжаликлари номи	Майдони гектар	Жами шартнома-вий режа тонна	Амалда топши-рилган миқдори, тонна	Фарқи +,-	Солиқ қарздорлиги (бюджет минг сумда)	Ишчи сони	Қопланмасдан қолган аванс миқдори, (минг сўмда)
1	Порлоқ Айронкўл	50	146	107	-38	68 335	25	44686
2	Собир мейли	55	159	114	-45	150 602	43
3	Қазақ тепа	50	122	84	-38	55 358	49
4	Ғозовот Амирқум	37	75	53	-22	43 594	40	222276
5	Азиз Атхам	55	142	124	-18	65 343	22
6	Даданазар	82	195	123	-72	110 002	48
7	Тохир Шамсиддин	62	165	97	-68	114 690	109	178664
8	Жамол Қозим	60	180	121	-59	105 543	98	30640
9	Ихтиёр Илмира	50	140	104	-36	117 710	120	210872
10	Дастонбек Нурмат	25	70	60	-10	14 647	36
11	Ўткир Ўктам хирмони	70	196	161	-35	81 073	63
12	Ахмад Жума ўғли	100	280	172	-108	202 817	39	95190
13	Хонобод Машҳур	80	225	162	-63	179 546	21
14	Бекчон Бобожон	39,0	110	52	-58	40 363	21	269119
15	Ҳадра оқолтин	30	86	61	-25	40 305	26	64758
16	Хажибой муаллим	50	155	144	-11	115 103	25	8857
17	Довудли Акбар	20	59	46	-13	15 264	29	12692
18	Қадам Ота Биргадер	35	97	80	-17	62 158	23
19	Отабек Комилов	40	120	111	-9	91 048	40
Жами		990	2721	1976	-745	1 673 500	877	1 137 755