Янгиариқ туманида аҳоли сўровномасидан келиб чиқиб қилинадиган ишлар рўйҳати маълум қилинди

1. Ўзбекистон Республикаси “Маҳаллий давлат ҳокимияти тўғрисида”ги Қонуннинг 6,25-моддаларига, халқ депутутлари Янгиариқ тумани Кенгашининг 2021 йил 19 октябрдаги VI-58-65-12-179-К/21-сонли қарорига асосан Ўзбекистон Республикаси Президентининг 2021 йил 22 сентябрдаги ““Очиқ бюджет” ахборот портали орқали жамоатчилик фикри асосида шаклланган тадбирларни молиялаштиришни янада кенгайтириш чора-тадбирлари тўғрисида”ги 5250-сонли қарорига асосан маблағ ажратилганлиги сабабли туман ҳокимининг 2021 йил 13 сентябрдаги “Туман ҳокимлигининг “Фуқаролар ташаббуси” жамғармаси ҳисобидан маблағ ажратиш тўғрисида”ги 63-12-179-F/21-сонли фармойишининг 1-банди қуйидаги мазмунда ўзгартирилсин:

“Очиқ бюджет” ахборот порталида овоз бериш жараёни якунларига кўра энг кўп овоз тўплаб ғолиб деб топилган қуйидаги таклифлар учун
- Янгиариқ-Урганч йўлига тунги ёритиш чироқлари ўрнатиш ҳаражатлари учун 250 000 000 (икки юз эллик миллион) сўм маблағ туман Ободонлаштириш бошқармаси ҳисобига;
- кўп қаватли уйларни куз-қиш мавсумига тайёрлаш ҳаражатлари учун 100 000 000 (бир юз миллион) сўм маблағ туман ҳокимлиги ҳисобига;
- кўп қаватли уйларни том қисмини таъмирлаш ҳаражатлари учун 70 000 000 (етмиш миллион) сўм маблағ туман ҳокимлиги ҳисобига;
- тумандаги мактабларга спорт анжомлари ва мусиқа асбоблари сотиб олиш ҳаражатлари учун 125 000 000 (бир юз йигирма беш миллион) сўм маблағ туман халқ таълими бўлими ҳисобига;
- туманнинг асосий кириш жойларига кузатув камералари ўрнатиш ҳаражатлари учун 80 000 000 (саксон миллион) сўм маблағ туман Ободонлаштириш бошқармаси ҳисобига;
- тумандаги 15-сон болалар мусиқа ва санъат мактабининг иситиш тизимини жорий таъмирлаш ҳаражатлари учун 150 000 000 (бир юз эллик миллион) сўм маблағ 15-сон болалар мусиқа ва санъат мактаби ҳисобига;
- тумандаги 36-сон мактабни жорий таъмирлаш ҳаражатлари учун 70 000 000 (етмиш миллион) сўм маблағ туман халқ таълими бўлими ҳисобига;
- Эгрисолма маҳалласидаги йўлни таъмирлаш ва тунги ёритиш чироқлари ўрнатиш ҳаражатлари учун 100 000 000 (бир юз миллион) сўм маблағ туман Ободонлаштириш бошқармаси ҳисобига;
- тумандаги 3-сон мактабни том қисмини жорий таъмирлаш ҳаражатлари учун 15 000 000 (ўн беш миллион) сўм маблағ туман халқ таълими бўлими ҳисобига;
- туман ахборот-кутубхона марказининг моддий техник базасини мустаҳкамлаш ва китоблар сотиб олиш ҳаражатлари учун 60 000 000 (олтмиш миллион) сўм маблағ туман ахборот-кутубхона маркази ҳисобига;
- Эгрисолма маҳалласи ҳудудидаги ички йўлни жорий таъмирлаш ҳаражатлари учун 50 000 000 (эллик миллион) сўм маблағ туман Ободонлаштириш бошқармаси ҳисобига жами 1 070 000 000 (бир миллиард етмиш миллион сўм) маблағ туман ҳокимлигининг “Фуқаролар ташаббуси” жамғармаси ҳисобидан ажратилсин.

2. Туман молия бўлими мудири А.Бекчанов маҳаллий бюджетга тегишли ўзгартириш киритилишини таъминласин.

3. Туман ғазначилик бўлинмаси бошлиғи Қ.Қаландаров тегишли ҳужжатлар тақдим қилингандан кейин ажратилган маблағларни белгиланган тартибда ўтказилишини таъминласин.