Хоразмда ўтказилаётган "Лазги" халқаро рақс фестивалига тайёргарлик кўриш учун 2 млрд сўм ажратилиши кўзда тутилган

Ўзбекистон Республикаси Президентининг 2020 йил 28 сентябрда “Лазги” халқаро рақс фестивалини ташкил этиш ва ўтказиш тўғрисида”ги ПҚ-4843-сонли қарори  ва Ўзбекистон Республикаси Бош вазирнинг 2022 йил 19 апрелдаги 73-сонли баёни, халқ депутатлари Хоразм вилояти Кенгашининг 2022 йил 24 апрелдаги VI-46-52-12-0-K/22-сонли қарори ҳамда Ўзбекистон Республикаси Бюджети кодексининг 126-моддасига асосан:

1. Жорий йилнинг 25 - 30 апрель кунлари Хива шаҳрида “Лазги” халқаро рақс фестивалига тайёргарлик кўриш ва уни юқори савияда ўтказиш билан боғлиқ харажатларни қоплаш учун 2 000 000 000 (икки миллиард) сўм Ўзбекистон Республикаси Маданият вазирлигига ўтказиб берилишини таъминлаш учун вилоят маданият бошқармасига вилоят маҳаллий бюджетининг 2022 йил 1 январь ҳолатига эркин қолдиғи ҳисобидан ажратилсин.

2. Вилоят молия бош бошқармаси (Т.Бабаджанов) вилоят маҳаллий бюджетига тегишли ўзгартиришлар киритсин.

3. Вилоят ғазначилик бошқармаси (Б.Панаев) ажратилган маблағларни белгиланган тартибда ўтказилишини таъминласин.

4. Вилоят давлат молиявий-назорат бошқармаси (Ш.Юсупов) ажратилган маблағларни мақсадли ишлатилишини назорат қилсин.

5. Мазкур фармойишнинг ижросини назорат қилиш вилоят ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – вилоят иқтисодий тараққиёт ва камбағалликни қисқартириш бош бошқармаси бошлиғи К.Игамбергенов зиммасига юклансин.


Вилоят ҳокими  Ф.Эрманов