Мактабдаги сўнгги 6 йиллик ўртача баҳолар тест синовлари балига қўшилмайдиган бўлди

19 июль куни қабул қилинган Президент фармони билан Вазирлар Маҳкамасининг 2021 йил 19 ноябрдаги “Олий таълим ташкилотларига кириш имтиҳонларида абитуриентларнинг таълим тўғрисидаги ҳужжатларига қўйилган баҳоларини инобатга олиш тартибини жорий этиш чора-тадбирлари тўғрисида”ги қарори ўз кучини йўқотиши белгилаб қўйилди.

2021 йилги қарорга кўра, 2023/2024 ўқув йилидан бошлаб абитуриентларнинг шаҳодатномаларидаги сўнгги 6 йиллик баҳоларининг ўртача кўрсаткичи ўқишга киришда инобатга олиниши ва тўпланган баллга ўртача баҳо қўшиб берилиши керак эди. 2023 йилда бу тартиб 2 йилга кечиктирилган.

19 июлдаги фармон билан эса 2021 йилги ушбу қарор бутунлай бекор қилиниб, шаходатномадаги баҳолар имтиҳонларда инобатга олинмайдиган бўлди.