Хоразмда 130 дан ортиқ маданий мерос обектларини сақлаш қоидаларини бузиш ҳолатлари аниқланди.
Хоразм вилояти прокуратураси органлари томонидан 2024 йилнинг 6 ойида мазкур соҳада ўтказилган текширишлар натижасига кўра, 130 дан ортиқ қонун бузилиши ҳолатлари аниқланган, қўпол қонун бузилиши юзасидан 1 та жиноят иши қўзғатилган, ижро интизомини бузган 6 нафар масъул шахс интизомий, 3 нафари маъмурий жавобгарликка тортилган. Қонун бузилиши, унинг келиб чиқиш сабаблари ва бунга имконият яратиб бераётган шарт-шароитларни бартараф этиш тўғрисида жойларга 10 та тақдимнома киритилган. Унинг муҳокамаси бўйича 2 нафар масъул шахсларнинг интизомий жавобгарлик масаласи ҳал қилинган. Назорат тадбирлари давомида бюджетга етказилган 36 млн. сўм зарар ихтиёрий қопланиши таъминланган. Мазкур соҳада ҳуқуқбузарликларни олдини олиш ва профилактика қилиш юзасидан 12 та тарғибот тадбирлари ўтказилган.
Изоҳлар (0)
Изоҳ қолдириш