image

Хоразмда “Кўрпачалик” товар учун қўшимча божхона тўловлари хисобланди.

date_range22.05.2024, 12:34
Маълумки, божхона органларининг асосий вазифаларидан бири бу -  мамлкатимизнинг иқтисодий манфаатларини ҳимоя қилишдир. Ушбу мақсад йўлида божхона органлари томонидан бир қатор ишлар амалга оширилиб келинмоқда. Жумладан, ТИФ иштирокчиларидан бири номига Туркия давлатидан олиб келинган “Ткани ворсовые из химических нитей, с основным разрезным ворсом” товарига тақдим қилинган ҳужжатлар Хоразм вилояти божхоначилари томонидан қайта ўрганиб чиқилди. Аниқланишича мазкур корхона божхона қийматини аниқлаш усулларидан фойдаланган ҳолда, товарнинг ҳар 1 квадрат метрини 1 АҚШ долларидан белгилаб “Эркин муомалага чиқариш” божхона режимига расмийлаштирган. Бироқ, мазкур товарларнинг божхона қиймати қайта ўрганилганида ушбу товарнинг 1 квадрат метри 1 АҚШ долларидан эмас, балки 4,32 АҚШ долларидан эканлиги маълум бўлди. Натижада, ушбу ҳолат юзасидан  333,7 млн. сўм қўшимча божхона тўловларини давлат бюджетига ундириш тўғрисида суд қарори қабул қилинди.