Хоразмда совуқ қурол олиб киришга урунган шахс тўхтатиб қолинди

Хоразм вилояти божхона бошқармаси ходимлари томонидан “Москва-Урганч” йўналишида учиб келган фуқаро Ф.К белгиланган тартибда божхона назоратидан ўтқазилганида жами қиймати 7.5 млн сўмлик, 1 дона элетрошок қурилмаси ҳамда 16 дона турли ҳил тиғли совуқ қурол ва пичоқларни ноқонуний равишда олиб кираётганлиги аниқланди. 

❗️Эслатиб ўтамиз, Республикамиз ҳудудида Вазирлар Маҳкамаси томонидан белгиланган нормаларга мувофиқ бўлмаган чиқиш параметрларига эга бўлган электрошок қурилмаларининг, учқун чиқаргичларнинг ва бошқа қурилмалар ҳамда тиғининг ёки кескичининг (дамининг) узунлиги тўқсон миллиметрдан ортиқ бўлган, тугмаси ёки пишанги босилганда сопидан автоматик равишда чиқариладиган ва маҳкамланадиган ёҳуд оғирлик кучи ёки тезкор ҳаракат ҳисобига сурилиб чиқадиган ҳамда автоматик равишда ўрнашадиган тиғли совуқ қурол ва пичоқларнинг муомаласи таъқиқланади.
 
Бугунги кунда мазкур ҳолат юзасидан терговга қадар суриштирув ҳаракатлари олиб борилмоқда.