Хоразмлик Исроил Мадримов 8 март куни Чемпионлик камари учун жанг қилади.

Исроил Мадримов ўсмирлар ўрта вазн тоифасида WБА йўналиши бўйича жаҳон чемпиони унвони учун Магомед Қурбонов билан жанг қилади. Бу ҳақда РКМ матбуот хизмати хабар берди. Жанг 2024 йилнинг 8 мартига белгиланган ва Ар-Риёдда (Саудия Арабистони) бўлиб ўтади. Эслатиб ўтамиз, бунгача камар америкалик боксчи Жермелл Чарлога тегишли бўлган, аммо дивизионни ўзгартиргач, у камардан маҳрум қилинганди. 

Магомед Қурбонов ҳисобида 25 та ғалаба бор, бирор марта ҳам мағлуб бўлмаган. Қурбонов сўнгги жангини 2023-йил 6-май куни Екатеринбургда ўтказди. Унинг рақиби франсиялик боксчи Мишел Соро бўлиб, Қурбонов уни бўлинган қарор билан мағлуб этди. 

Исроил Мадримов 9 марта ғалаба қозонган ва бирор марта ҳам мағлуб бўлмаган. У охирги марта 2023-йилнинг 8-апрелида рингга чиққан. Кейин у якдил қарор билан америкалик боксчи Рафаел Игбоквени мағлуб этди.