Янгиариқ туманида 545млн сўмлик кўмир талон-тарож қилинди.

Хоразм вилояти прокуратураси органлари томонидан Энергия ресурсларидан ноқонуний фойдаланиш ҳолатларини аниқлаш юзасидан ўтказилаётган мақсадли рейд тадбирлари давомида, 
"Янгиариқ Фаввора" МЧЖ томонидан тумандаги 18 та бюджет ташкилотларига жами 17,08 тонна кўмир етказиб берилганлиги ҳамда жамиятнинг 2 та омборида 1 127,3 тонна кўмир ёқилғиси сақланиб турганлиги аниқланиб, юқоридаги шартномага асосан бюджет маблағлари ҳисобига сотиб олинган 2 448,6 тонна кўмир ёқилғисидан 545 млн.393 минг. 571 сўмлик 1 304 тонна кўмир ёқилғиси номаълум шахсларга сотиб юборилиб, ўзлаштириш йўли билан талон-орож қилинганлиги аниқланди. 

Мазкур ҳолат юзасидан 10.11.2023 йилда Ўзбекистон Республикаси ЖКнинг 167-моддаси 3-қисми “а” билан жиноят иши қўзғатилиб, вилоят прокуратураси томонидан тергов ҳаракатлари олиб борилмоқда.