Боғот тумани ва Амударё маҳалласида ЙТХ сабабли 2 нафар фуқарo вафот этди.

Боғот тумани, Янгиқадам маҳалласида яшовчи 1998-йилда туғилган шахс жорий йилнинг 4-август куни соат 22:00 ларда ўзига тегишли бўлган Lacetti русумли автомашинани Хонқа тумани, Ёшкуч маҳалласи ҳудудидан ўтган Урганч-Ҳазорасп йўлининг 7 километрида бошқариб бораётиб, бошқарувни йўқотиб йўл четидаги дарахтга урилб агдарилган, натижада автомашина йўловчиси Боғот тумани, Янгиқадам маҳалласида яшаган 1998-йилда туғилган шахс олган тан жароҳатларидан туман касалхонасида вафот этган.

Амударё маҳалласи, Фаровонҳаёт кўчасида яшовчи 1979-йилда туғилган шахс жорий йилнинг 4-август куни соат 00:40 ларда Урганч-Ҳазорасп автомобил йўлининг Темирчи маҳалласи ҳудудидан ўтган, 55 километрида Cobalt русумли автомашинани бошқариб бораётиб, ўзига қарама-қарши ҳаракатланиб келаётган Муҳомон маҳалласида яшаган 1981-йилда туғилган шахс бошқарувида бўлган Damas русумли автомашина билан тўқнашиб кетган, натижада ўзи ҳамда Damas автомашина салонида бўлган 2 нафар йўловчилар турли даражадаги тан жарохатлари билан туман касалхонасига ётқизилган. Damas ҳайдовчиси эса кўрсатилган тиббий муолажаларга қарамай туман касалхонасида вафот этган.