Урганч, Шовот ва Хивада фирибгарлар аниқланди.

▪️Урганч шаҳрида яшовчи 1978-йилда туғилган аёл таниши билан биргаликда тадбиркорлик фаолиятини бошлашини айтиб, алдаб ундан 2021-йилнинг октябр ойидан 2022-йилнинг август ойига қадар 42900$ пулларини тилхат асосида олиб ўзининг шахсий эҳтиёжлари учун ишлатиб келиб ушбу пуллардан 30700$ни ҳозирга қадар қайтариб бермасдан фирибгарлик жиноятини содир қилганлиги аниқланган.
▪️Шовот тумани Ассавий  маҳалласида яшовчи 1985-йилда туғилган шахс 2022-йилнинг ноябр ойида танишига мебел жиҳозлари олиб келиб беришини айтиб алдаб ундан 8млн сўм пулларини олиб шу кунга қадар вада қилинган мебел жиҳозларини ёки пулларини қайтарб бермасдан фирибгарлик жиноятларини содир қилган.

▪️Хива шаҳар, Шомоҳулум маҳалласида яшовчи 1994-йилда туғилган аёл 2022-йилнинг октябр ойида Алоқабанк билан 60 ой муддатга йиллик 26% устама то"лаш шарти билан "Малибу-2" русумли автомашинани сотиб олиш учун кредит шартномасини тузиб, 245млн сўм кредит ажратилишига эришиб, сотиб олинган автомашинани гаровга қўймасдан сотиб юбориб ажратилган кредит маблағларини тўламасдан ўзининг шахсий эҳтиёжлари учун ишлатиб Алоқабанк Хоразм ҳудудий комплекс хизмат кўрсатиш марказининг жуда кўп миқдордаги пулларини фрибгарлик йўли билан қўлга киритган.

Фирибгарлик жиноятларини содир қилган юқоридаги шахсларга нисбатан жиноят иши қўзғатилиб ҳозирда дастлабки тергов ҳаракатлари олиб борилмоқда.