Хонқалик фуқаро йўлда ётган маст фуқарони уриб юборди, пиёда воқеа жойида вафот этган.

▪️Янгибозор тумани, Ширинқўнғирот маҳалласида яшовчи 1977-йилда туғилган шахс шу йилнинг 27-ноябр куни соат 11:20 ларда ўзининг номида бўлган Cobalt русумли автомашинани тегишли ҳужжатлари билан Очақала маҳалласи ҳудудидан ўтган автомабил йўлнинг биринчи километрида бошқариб бораётиб олдиндан велосипедда ҳаракатланиб келаётган шу маҳаллада яшовчи тумандаги 26-сон мактабнинг 9-синф ўқувчиси яни 2007-йилда туғилган ўғил болани уриб юборган, натижада болакай туман касалхонасига ётқизилган.

▪️Урганч шаҳрида яшовчи 1985-йилда туғилган шахс жорий йилнинг 16-ноябр куни соат 16:30 ларда онасининг номида бўлган Matiz русумли автомашинани Наврўз кўчаси бўйлаб 22-сон мактаб олдидан бошқариб бораётиб йўлни кесиб ўтаётган 2011-йилда туғилган пиёда яни шу мактабнинг 5-синф ўқувчисини уриб юборган, натижада вояга етмаган пиёда тан жарохати олиб касалхонага ётқизилган.

▪️Тупроққала тумани, Пастон маҳалласида яшовчи 2005-йилда туғилган тумандаги касб ҳунар коллежининг 1 курс талабаси шу йилнинг 27-ноябр куни соат 18:00 ларда онасининг номида бўлган Damas русумли автомашинани тегишли ҳужжатларсиз Охунбобоев маҳалласи ҳудудидан ўтган ички йўлда бошқариб бораётиб қаровсиз қолдирилганлиги сабабли йўл четида ўйнаб юрган 2016-йилда туғилган болакайни уриб юборган, натижада вояга етмаган болакай тан жарохати олиб туман касалхонасига ётқизилган.

▪️Хонқа тумани, Нуробод маҳалласида яшовчи 2002-йилда туғилган шахс шу йилнинг 18-декабр куни соат 01:50 ларда Nexia-3 русумли автомашинани тегишли ҳужжатларсиз Урганч-Янгиариқ автомобил йўлининг Хива тумани, Арвик маҳалласи ҳудудидан ўтган 9 километрида бошқариб бораётб йўл четида маст ҳолда ётган шу маҳаллада яшаган 1977-йилда туғилган фуқарони уриб юборган, натижада ушбу фуқаро воқеа жойида вафот этган.

Юқорида келтирилган барча ҳолатлар юзасидан жиноят ишлари қўзғатилган, ҳозирда дастлабки тергов ҳаракатлари олиб борилмоқда.