Xorazm viloyati hokimining 2026-yil 11-noyabrdagi qaroriga muvofiq, Urganç tumani Uçköprik mahallasi hududida Al-Xorazmiy haykalini örnatiş va dam oliş xiyobonini barpo etiş uçun 13,1896 gektar yer maydoni ajratildi.

Qarorga köra, uşbu yer maydoni qişloq xöjaligida foydalanilmaydigan, hokimlik hisobidagi yerlar toifasiga kiradi. U Urganç tumani hokimligiga doimiy foydalaniş huquqi bilan ajratib berildi.

Quriliş işlari qanday amalga oşiriladi?

Quriliş-montaj işlari böyiça buyurtmaçi etib «Al-Xorazmiy majmuasini barpo etiş va saqlaş» direksiyasi davlat unitar korxonasi belgilangan.

Qarorga asosan, direksiya zimmasiga bir qator vazifalar yuklatilgan. Jumladan:

• Arxitektura-rejalaştiriş topşiriqlarini işlab çiqiş uçun buyurtmalar beriş;
• Yer osti muhandislik inşootlari aks ettirilgan topografik xarita va geologik xulosa tayyorlatiş;
• Loyiha-smeta hujjatlarini tegişli inspeksiyadan röyxatdan ötkaziş;
• Quriliş işlarini boşlaş uçun ruxsat oliş.

Şuningdek, tegişli kadastr taşkilotlariga ajratilgan yer maydonlarini davlat röyxatidan ötkaziş va yer hisobotiga özgartirişlar kiritiş vazifasi yuklatilgan.

Qayd etiş joizki, hozirça qarorda majmuaning quriliş qiymati, işlarning boşlaniş va yakunlaniş muddatlari hamda xiyobonning aniq loyihaviy körinişi haqida ma’lumot keltirilmagan.

Qaror ijrosini nazorat qiliş viloyat hokimining örinbosari M. Kalandarov zimmasiga yuklatilgan.

Manba: Xorazm viloyati hokimining 2026-yil 11-noyabrdagi 410-12-0-Q/26-sonli qarori.