Ҳазорасп тумани ҳокимлиги биносини реконструкция қилиш учун 4,6 миллиард сўмдан ортиқ маблағ ажратилди

Хоразм вилояти ҳокимининг 2026-йил 16-октябрдаги фармойишига мувофиқ, Ҳазорасп тумани ҳокимлиги биносини реконструкция қилиш ишларини молиялаштириш учун 4 миллиард 666 миллион сўм маблағ ажратилди.

Фармойишда қайд этилишича, маблағ вилоят маҳаллий буджетига давлат активларини хусусийлаштиришдан тушган маблағлар ҳисобидан ажратилади. Ушбу маблағ реконструкция ишлари бўйича аванс тўловларини молиялаштиришга йўналтирилади.

Ажратилган маблағ вилоят ҳокимлигининг “Ягона буюртмачи хизмати” инжиниринг компанияси давлат муассасасига берилади.

Вилоят иқтисодиёт ва молия бош бошқармасига маҳаллий буджетга тегишли ўзгартиришларни киритиш, вилоят ғазначилик хизмати бошқармасига эса маблағларни белгиланган тартибда ўтказиш вазифаси юклатилган.

Фармойиш ижросини назорат қилиш Хоразм вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари А. Давлетов зиммасига юкланган. Ҳужжат вилоят ҳокими Ж. Рахимов томонидан имзоланган.

Манба: E-qaror elektron tizimi — farmoyishning to‘liq matni⁠